Kaupapa: Waitangi

Ka tū te Pirimia ki mua i ngā māngai ā Iwi

Te Kāea
  • Te Tai Tokerau

Ka tu te Pirimia ko John Key rāua ko te Minita o ngā Take Tiriti ko Christopher Finlayson ki mua i te aroaro o ngā mangai ā Iwi ki tā rātou huihuinga i Waitangi i te ra nei.

Ko te whai a Christopher Finlayson ko te ārahi i tētahi kōrero e hāngai ana ki Te Ture Whenua Māori.

Tu ātu ka tu mai te Minita o ngā take Māori i te rā nei ko Pita Sharples ki te whakamarama atu he aha ngā nekenekehanga me ngā kōrero hou e pā ana ki te kaupapa taunaki i te reo me ōna tikanga i whakarewahia i tera tau.

He nui ngā kaupapa whakahirahira kua āta wetewetehia e ngā māngai ā Iwi ki taua hui ko te keri kōhinu, te taiao, te matauranga, ngā take whare me Whanau Ora ētahi o ngā take nui kua āta wanangahia.

Ka kapi te hui i te ahiahi nei whai muri i te kōrero a te Pirimia.