Ka tū te kaiwaiata rongonui o Jamaica a Etana ki te konohete Raggamuffin

Te Kāea
  • Tāmaki Makaurau

Hei āpōpō tū ai te konohete Raggamuffin mō te wā tuatahi ki Tāmaki Makaurau.

Ko tētahi o ngā whetu i tēnei tau ko Etana  nō Jamaica, te kaiwaiata o te kōpae 'I rise' kua eke ki te taumata tuatahi o ngā waiata reggae o te tūtohi billboard. 

Ko Shauna McKenzie tana īngoa i tōna whanautanga mai, koia anake te kōtiro o ngā tamariki i roto i tōna whānau. I puāwai mai ai tōna reo rōreka i a ia e waru tau te pakeke.

Heoi anō i reira ngā piki me ngā heke i tana ekenga hei kaiwaiata wāhine toa o te āo reggae, ina te nui o te mana o te hunga tāne. He pēra anō te hīkoita a ngā tohunga wāhine o nehe, i para i te huarahi.

Hei te ahiahi o āpōpō ka whai wāhi ia ki te atamira, e whakapāetia ana hoki koinei te huihuinga Raggamuffin nunui rawa. E manako ana ia ka tūtaki ia ki te kaiwaiata rongonui o Aotearoa, ki a Aaradhna.  

Ka mutu, he ia tōna ka puta ki te ātamira o Raggamuffin i a ia e anga atu ana ki te tau tītoki.