Ka tū te hui tuatahi o Digital Nationz i Tāmaki

Wepiha Te Kanawa
  • Tāmaki Makaurau

I whakarauika atu ngā mātanga tākaro mihini whakaata ki te hui tuatahi o Digital Nationz.

I reira kitea ai ngā mihini hōu o te ao hangarau, me te aha ehara ko Ngāi Rangatahi e hiahia ana ki te kite i ngā taputapu hōu.

I reira hoki te tohunga tākaro a Kim Dotcom e noho ana ki tōna torona, ā, koia hoki te kaitākaro toa tuarua o te ao.  Me tana tuku wero atu ki te iwi kia wero mai.

Koira hoki tā tētahi kaiwhaiwhai kaikā, a Shardous, i rere mai i Te Waka a Māui kia pakanga ā-rorohiko nei ki a ia.

I reira hoki ngā tipua o te ao kemu, te Xbox me PlayStation, me wā rāua ata hōu, te Xbox 1 me te Playstation 4.

Ko te pātai ia ko tēhea te mihini kei runga noa atu.

Kei ia tangata ōna ake whakaaro, ā, mā te marea kē pea e whakatau ko wai te toa o ngā toa.