Kaupapa: Kapa Haka

Ka tū a Muriwhenua ki runga i te ātāmira o Te Matatini mo te wā tuatahi

Heeni Brown
  • Te Tai Tokerau

He roopu e whakakotahi ana i ngā iwi e rima o Te Hiku o Te Ika. I uru whakataetae atu a Muriwhenua ki ngā mahi kapahaka i te tau rua mano tekau, mō toona wa tuatahi kua wikitoria i a rātou te taitara o te rohe.

Hei tā Pene Tawhara, “Kua roa te wa e whakangungu ana kia eke ki tēnei taumata, a, he koanga ngakau ki te tu hei kanohi hei kawe i te mana o Te Hiku o Te Ika otira Muriwhenua whanui.”

Ko Hokianga tena e pumau ana ki toona nohoanga ki te turanga e ahei te hoki atu ki te whakataetae a motu.

I tēnei tau, ka hoki mai ngā reo anahera o Hātea ki te papa whakatūwaewae. Mō ngā uri e whakapapa ana ki Te Whare Tapu o Ngāpuhi, kua whiwhi i ā rātou te turanga tuatoru.

Mō te roopu turanga tuarua nei, ko rātou tena e kaha ana ki te whakakotahi i ngā uri o Hokianga.

Kua hoki ora mai anō a Te Pūao i te mura o te ahi, ko rātou te māngai tuawhā ka heke ki Te Matatini o Waitaha.