Kaupapa: Elections

Ka tū a Annette Sykes hei kaiwhakataetae mā Mana mo te tūru o Te Waiariki

Mere McLean
  • Waikato/Te Waiariki

Tekau ma whā wiki i mua i te kōwhiringa pōti, kua tu ano a Annette Sykes hei māngai mō te rōpū o Mana ki Te Waiariki.

Hei tā Annette Kua tae te wa, he kanohi kitea e tu, e pakanga ana ki te kawanatanga mō te aha? Mō tatau te iwi Māori! Mō te katoa. 

Ki ngā whakataetae kapa haka a rohe o Te Arawa i whakapuaki a Mana i to rātou whakahau ka tu ia hei kaiwhakataetae mō te tūru o Te Waiariki.  Na Mana ano te pohiri ki a Kim Dotcom kia tae ki tēnei kaupapa.  

Hei tā Hone Harawira, “I tuku mai a Dotcom i ona aroha, i te hiahia ia ki te hara mai.  I a ia ētahi whakaaro hei kōrero ki te hunga papaho, me pehea e awhina ana i a Annette, me te awhina i a ia.”

I ngā kōwhiringa pōti i tērā wa, i tuarua mai a Annette Sykes ki a Te Ururoa Flavell o te pati Māori, engari i tēnei wa, e mārama ana ia ki ana whainga. 

Hei tā Annette, “Ko te mea nui, kia whakakotahi ai ngā hapū kei raro i ngā whakahāere o te mana motuhake, he rereke tērā ki te ahuatanga o te kawanatanga.”

Ko ta Annette Sykes hiahia kia tu ia ki runga i te mana o te wāhine Māori ki te tūru o Te Waiariki.