Ka tū ā Peeni Henare hei māngai mā Reipa ki te rohe o Tāmaki Makaurau

Wepiha Te Kanawa
  • Tāmaki Makaurau

Kātahi anō te Pāti Reipa ka huraina ko wai tā rātou whakaihuwaka mō te turu o Tāmaki Makaurau, ko wai kē atu ko te uri o Ngāti Hine a Peeni Henare.

He io te huarahi kōwhiri mō Reipa i ngā kaitono mō te rohe o Tāmaki Makaurau. Ko Shane Taurima tētahi o ngā tino kaiwhiri, heoi i karo tōna tono i runga i ētahi whakatewhatewha ki runga i a ia mō te whakamahi hē nei o ngā rauemi o Te Reo Tātāki o Aotearoa hei painga mō āna hiahia tōrangapū.

Koinei te wā tuatahi kua uru a Peeni Henare ki tēnei momo mahi, eaoia he hekenga ia nō ngā kāwairangatira o ao tōrangapū. He uri ia nō Tau Henare he mema paremata mō te Taitokerau nō te tau tahi mano iwa rau tekau mā whā, ki te tau tahi mano iwa rau toru tekau mā waru.

He mahi nui kei te hāere mō Henare, he tekau mā ono wiki noa e toe ana ki ngā Kōwhiri hei te marama o Mahuru.