Ka toro atu te pirimia a Winston Peters ki tētahi kainga

Aroha Treacher
  • Te Tai Rāwhiti

E ai ki Te Kaporeihana Whare e kōkiri ana ngā mahi whakatū whare kaporeihana hōu ki ngā takiwā tekau mā rima o te motu. i tae a tinana atu te Pirimia a Winston Peters ki tētahi o ngā kāinga hōu kōtahi rau rima tekau mā rima.

ina  waimaria tenei whanau ki tēnei kainga hōu, e rua ngā ruma ki Tamatea, he mahi e hāngai pū ana ki te whakatū whare kaporeihana hōu ki te motu.

"Me whakatū whare tātou ki ngā takiwā me ngā tāone nui hoki," tā Peters.

"E 49 ngā whare kaporeihana kua whakatūria e mātou, e iwa ngā whare kua oti, ko te whai ki hanga e kainga e rua rau ki Te Matau a Māui, me whakahoungia hoki he kainga e 3000," tā Andrew McKenzie, tumu whakarae, Housing NZ.

Mai i te tau rua mano tekau mā tahi i heke te rahi o ngā whare kaporeihana ki Te Matau a Māui mā te toru rau neke atu, e toru tekau mā toru ngā kainga i turakihia ki Maraenui.

"O ngā kainga e rau rau ka oti hei ngā tau e rua, ka oti te mahi whakahou whare hei ngā tau tekau pea," tā McKenzie.

Ko Te Matau a Māui te takiwā i whiwhi te nuinga o ngā kainga ki ērā o te motu.