Kaupapa: Ngā Manu Kōrero

Ka tīmata te whakataetae ā-motu o Ngā Manu Kōrero āpōpō ki Ahuriri

Aroha Treacher
  • Te Tai Rāwhiti

Āpōpō ka tīmata ake te wāhanga whakataetae o Ngā Manu Kōrero ā-motu ki Te Matau a Māui.

Kua whā tekau mā iwa ngā tau ināianei te whakataetae e haere ake ana, otirā, kei te ora rawa atu tēnei whakataetae nei, mā te maha o ngā kākā wahanui e eke ana ki te atamira.

Huhua ana ngā tauira mai i ngā tōpito o te motu i tau mai ki Te Matau a Māui mō te whakataetae Manu Kōrero, mai i te tau iwa tekau mā rua.

He wāhi tēnei kia whakamīharotia te marea e ngā tauira me o rātou arero koi, mā te reo rangatira e whakareka i ngā taringa.  He momo papa tēnei mā ngā rangatira mō āpōpō.

Ko ngā matahiapo nui tō rātou e whai nei, ko ngā tohu hītori nui pēnei o te whakataetae nei, ki te kākā waha ka wikitoria, he hōnore nui rawa tēnei ki a rātou, me tō rātou whānau, iwi hoki.