Ka timata te mahi whakakore paihama ki Mahia

Aroha Treacher
  • Te Tai Rāwhiti

Ko te pae tawhiti kei te whaia kia tata ki te Matau a Māui hei whakaora mai anō i te taiao. Ka timata te mahi whakakore paihama me aua momo ki te kūrae o Mahia i runga i ngā whenua tekau mā whā mano rima rau heketea te rahi hei ngā tau e whā.

He whā ira waru tekau mā ono miriona tāra te utu ki te whakakore i te paihama i Te Matau a Māui, ā, ko Mahia te tauira.

"Mēnā ka angitū te mahi ki reira ka tāea te mahi pērā ki ngā heketea, 700,000 te rahi ki Te Matau a Māui," tā Ed Chignell, tumu whakarae, Predator Free 2050 Ltd.

Ko te rautaki he whakatū hīnaki-a-tihi ki ngā whenua pāmu.

Mā te mātauranga i kohia i Mahia, e whakawhanake ai he rautaki māmā te utu hei whakakore i ngā paihama i Te Matau a Māui, i Aotearoa whānui anō hoki.

"Hei ngā tau 50 - 100 pea ka whakaora anō te taiao o Aotearoa ko te tino aro ko te whakaako i ngā tamariki mokopuna," tā Leckie.

Kātahi anō ka tuku pūtea pēnei ki te rohe o Taranaki. Hei ngā marama heke mai nei ka tukua he pūtea ki ētahi atu rohe o te motu.