Kaupapa: Tūhoronuku

Ka timata ngā hui whakamārama a Tūhoronuku

  • Te Tai Tokerau

Kua puta te kōrero e mea ana e ngaro ana ētahi o ngā ingoa o ngā tino hapū e whai tūranga ana ki runga o Tūhoronuku.

Me te mea hoki, arā ngā kōrero kua puta, e mea ana kua wairua noa atu ētahi mai i te wa i hikoi ai te tupuna mana nui a Rahiri i te mata o te whenua.

Hei tā Hone Sadler, “Ngā mea e mea ana kua hahū mai, me penei taku kī, he tutu whakapapa kē tēra, waiho ake ma te hunga e mohio i pūtake kē mai rātou i hea.”

22 ngā mema ka whai wāhi ki te roopu motuhake o Tūhoronuku, 15 o aua mema ka ahu mai i ngā takiwa e rima o te Whare Tapu o Ngāpuhi.

Ko aua rohe tonu ka kite i te whakatunga ake o ngā mangai mō ngā hapu, kua whakarārangitia e Tūhorunuku.

Hei apopo, ka tu te hui whakamarama tuatahi mō te takiwā o Waimate-Taiamai-Kaikohe ki Kohewhata Marae.

Ka timata ngā hui whakamarama apopo, tae noa atu ki te po o Te Raapa, ka mutu, ka tu te wāhanga pōti i ngā mangai mō ngā tūranga motuhake o Tūhoronuku a te mutunga mai o te marama nei.