Ka taunaki te Kaunihera Matua o Tāmaki Makaurau i te whakarauoratanga o te roto o Ōtara

  • Tāmaki Makaurau

Koia tēnei ko Jim Sinclair, i whānau mai, ā, i tipu hoki ake a ia ki Ōtara, kua roa nei a ia e whawhai ana mō te oranga o ngā iwi, me te taone o Ōtara, ā, ko te roto o Ōtara tētahi take tino piripono ki tōna ngākau.

E ai ki a Jim Sinclair, o te poari hāpori o Ōtara e mea nei, “Kei te harikoa kua tahuri mai te Kaunihera o Tāmaki Makaurau kia whakarongo ki ngā nawe a te iwi.”

Ahakoa mō tērā, he āwangawanga tonu tā Jim mō ngā kaupapa hapori a te Kaunihera, me ā rātou tikanga tohatoha moni, whakapau pūtea hoki.

Hei taana anō e mea nei, “Me homai te pūtea hei whakapaipai i te roto me ngā awa o Ōtara, hei aha ngā mahi karikari haere i te Whare Tapere o Vodafone.”

Otirā, koinei noa iho te timatanga hei tā Jim, he pakanga tonu kei mua i te aroaro kia tutuki ai ngā moemoeā mo ngā iwi me te whenua o Ōtara.

Ka mutu, ko tā Jim e whakapae nei, “Te atuatanga, te wairuatanga, te kotahitanga, kia aroha, kia arohanui, te manaakitanga, te awhitanga, nā reira whakapaitia tā mātou roto inaianei tonu!”