Ka tae atu te petihana kia tango ake i te taitara o Tā Bob Jones ki Pāremata

Te Kapa ā-Tihi - Rereātea
  • Te Whanganui-ā-Tara

Hei te rā nei tae atu ai te petihana e karanga ana kia tangohia ake te taitara Tā i a Sir Bob Jones ki Pāremata.

Nā te kaihautū kiriata Māori nei a Renae Maihi te petihana i whakamānu, whai muri i tā Jones kī kia whakatūhia he rā e kiia nei ko Māori Gratitude Day, hei whakakapi i te rā o Waitangi.

He neke atu i te ono tekau mā rima mano ngā tāngata i waitohu i te petihana ka hoatu ki te mema o te Pāti Reipa, ki a Kiritapu Allen.