Kaupapa: Arts

Ka rau ngā hua o te tohu hōu a Wetini Mītai-Ngātai ki roto i tōna ohu pākihi

Wepiha Te Kanawa
  • Te Tai Tokerau

He rongonui te rangatira nō Te Arawa a Wetini Mitai-Ngātai i roto i te ao Māori mō āna mahi me te kapa haka o Te Matarae I Ōrehu, ā, i tēnei rā kua whakanuia a ia ki te tohu Laureate.

Tokowhā katoa rātou i whiwhi i te tohu, mō ā rātou angitū i ngā mahi toi me ngā mahi ā-rēhia.

Hei tā Wetini, “Me nui atu ngā Māori hāere pēnei ki pai ai te kai atu i te pūtea a te Kāwanatanga pea me pēna te kōrero.”

Nā ana mahi mīharo i whakatūria ai a Mitai Village i te tau rua mano mā rua, ā, kua toro atu hoki ia ki ētahi mahi hou, ārā te 'Snooze Cube', he wāhi whakatā mā te tangata, ki ngā taunga waka rererangi pēnei i Dubai.

Rua rua noa ngā tāngata kua whiwhi i te tohu Laureate. E ai ki a Wetini ka whakapau te rima tekau mano tāra ki ana pākihi e rua.