Ngā kaupapa: Domestic Violence, Entertainment

Ka puta tuatahi te kiriata mō Te Whakaruruhau o ngā Wāhine o Waikato

Mānia Clarke
  • Waikato/Te Waiariki

Ka puta te pakipūmeka '220 Miles' ki ngā whare pikitia, he kiriata mō tētahi rōpū wahine Māori me te whare whakaruruhau nā rātou i whakatū hei tāwharau i te kotahi rau mano pārurenga o te riri tara-a-whare.

E rua rau e rua tekau māero te roanga o te awa tūpuna o Waikato, koirā hoki te roanga ka hīkoitia e ngēnei kaiwhakatū hei whakaruruhau i te tangata.

“Women wanted a place for themselves for Māori women to go,” i mea atu i tētehi o ngā kaiwhakatū a Ruahine “Roni” Albert.

Nō te kaiwhakatū nō Ariana Simpson e tamariki ana i pātua kinotia tōna whāea.

Kua tekau marama te kaitaki kiriata e āta mahi ana. Nō ngā tau e rua ki muri i tūtaki atu rātou ko Andrew James ko Te Whakaruruhau. Nāna te tono ki te hanga i te pakipūmeka, e whā tekau mano tāra te nama, nāna anō i kimi.

Nō te whakatūnga o Te Whakaruruhau i te tau waru tekau mā ono kua nui ake te riri tara-a-whare ki te rohe. E iwi tekau tāngata neke atu ia wiki ka kimi whakaruruhau.

Ka whakaatu tuatahi atu te pakipūmeka ki ngā whare pikitia e rua. Kua hokona ngā tīkiti katoa i konei, i te Lido. Ko te manako o James ka whakaohotia ngā whakaaro o te marea ki ngā mahi atawhai whānau a Te Whakaruruhau.

Ka whakaatu atu te kirita ki tētehi Whare Pikitia ki Whāingaroa ā te Rātapu. Ko te matapae ka hanga terenga kopae kiriata anō hoki.