Ngā kaupapa: Arts, Business, Fashion

Ka puta ngā mahi o Taongahuia Maxwell ki runga o te wiki whakaatu kākāhu

Mere McLean
  • Waikato/Te Waiariki

He kaihoahoa kākāhu a Taongahuia Maxwell, kua whai wāhi ki te whakaatu i ōna mahi hei te wiki e tū mai nei ki te taiopenga auaha o Aotearoa ki Tāmaki Makaurau. Koinei tōna wā tuatahi ki tēnei hui ka mutu, kotahi tonu tōna aro ko ngā mahi hanga kākāhu. “Kia mutu rāno aku mahi kātahi ka aro pūmau ahau, i te raweke haere ki runga i taku mīhingi kākahu, kua tipu anō te hiahia”. Mo te kaihoahoa kākāhu koinei tōna wā tuarua ki ngā mahi whakaatu kākāhu whai muri i tōna uru ki roto i te MIROMODA i te tau ka huri. “Kei te noho whakaiti ahau, engari kei te mīharo, he mihi tino nui ki a MIROMODA hei tauawhi i ngā kaiwaihanga kākāhu pēnei i ahau kia whai tūnga ki roto i ngā mahi auaha”. Koinei anake te kākāhu e tāea noa iho mātou ki te whakaatu, engari ka huraina te katoa i raro i te ingoa 'Kahu Huia' ā ko ake nei. “Kua tikina atu te kākāhu, ā, kua tāmokohia ki te Niho Taniwha. He momo raranga hei tohu whakanui ki o tātau kaiahu ō mua, me o tātau kairāranga”. Ā tērā Rāpare ka rere āna kākāhu ki runga i te ara hīkoi o te taiopenga kākāhu o Aotearoa.