Ka piki ngā hua moni mo ngā kaipāmu Māori

Aroha Treacher
  • Te Tai Hauāuru

Ko te ahumahi hoko atu i ngā mīti kau, mīti hipi ano ki tāwahi, tētahi o ngā tino o Aotearoa.

Otira, e hiahiatia ana e Ngāti Kahungunu te whai wāhi ki tēnei mākete, mātua rā ki Ahia me te Moananui a kiwa, me ta rātou ake waitohu Māori hou.

I mua tata ake nei, i hokona te pamu Tautāne e te iwi, kia whānui ake ai te toro o te ringa, mai i ngā ohu kaimoana ki te rāngai ahuwhenua. Ko te tumanako, ka panonitia e ratou ngā ahuatanga pāmu, ka tuku tonu atu i ā rātou mīti ki te makete.

Ko te pikinga ake o ngā utu mahi, ko te tuku pūtea nui ake ano ki ngā kaipāmu ētahi o ngā painga e whāia ana e rātou.

Ko te pikōkō o te iwi kia whai oranga ano ngā kāinga penei i Te Wairoa i tēnei kaupapa, heoi, ehara i te mea he rautaki pae tata tēnei, eaoia kei te pae tawhiti ke e tau ana.