Kaupapa: Christmas

Ka piki ake ngā raru tūkino whānau i te wā o te Kirihimete

Dean Nathan
  • Te Tai Tokerau

He kotahi ra noa iho i mua i te Kirihimete, kua mate ano tētahi whaea rangatahi tonu i te ringa tukino o tētahi tane.

He tekau ma iwa marama kua pahure nō te kitenga i te tupapaku o Ashlee Edwards, e rua tekau ma tahi ngā tau, ki raro i tēnei piriti ki Whangarei, me te whakapae i patua ia e tana hoa tane o mua kia mate, mahue ana ko ngā tamariki nohinohi.

Ia tau neke atu i te wha rau nga tangata ka mauherehia i te ra o te Kirihimete mo te tukino tangata.

E whakapae ana te roopu reipa, kua pupu ake tēnei ahuatanga i te ngoikore o te kawana ki te whāki i ngā tino tatauranga ki te iwi me te tautoko pū i ngā mahi ārai.  

Kua ono ngā tau iaianei e whakahaeretia ana te kaupapa ripene mā me te maha o ngā hikoi puta noa ki te whakahe i te matenga o ngā tangata, he wāhine te nuinga, i te ringa tukino. 

No tēnei tau tonu, whakarewaina ai ngā kopae puoro i te poari hauora o tenei rohe, kia puta ai ngā maramatanga mo tēnei ahuatanga ki te iwi whanui.

Ko te mea nui i tēnei Kirihimete, kia tiakina te whānau.