Kaupapa: Education

Ka ora kainga rua ngā rangatahi kāre i oti i te kura

Mere McLean
  • Waikato/Te Waiariki

Ka ora kainga rua ngā rangatahi kāre i oti i te kura mā roto mai i tētahi kaupapa mātauranga a te Kaitiaki o Ngā Roto o Te Arawa.

He kotahi tau te roa o taua kaupapa a ko tana whainga kia hiki i te tū maia o ngā rangatahi kāre i whiwhi tohu i te kura.

Kua ono tau a Peter Morrison e whakaako ana i ngā rangatahi wae pakiaka ki te tari akoranga i Rotorua.

Kua whai wāhi tēnei kaupapa ki raro i te tari kaitiaki roto moana o Te Arawa ki te whakahaere i ngā kaupapa mātauranga ki ngā rangatahi kua puta mai i te kura.

Tekau ma waru ngā tauira kei runga i te kaupapa i tēnei wā, he tekau ma ono ki te tekau ma waru tau te pakeke.  Ko Peter Morrison te kaiako whakatika waka.  Ko tāna he kaupapa tēnei e whai wāhi ai ngā rangatahi ki te whiwhi tohu mā te ako, kotahi atu ki te kaiako. 

He kaupapa tēnei e tautokongia ā pūtea nei e te amorangi mātauranga matua me ngā rōpū tautoko pēnei i a Baytrust. 

Ko tā Peter Morrison te nuinga o ana tauira i ahu mai i ngā whare rawakore, kua arokore hoki ki ngā nuka a ngā kura auraki. 

E whakapono ana te poari kaitiaki roto moana o Te Arawa me whai wāhi anō ngā rangatahi wae pakiaka nei, ka mutu, he harikoa nō rātou ki te hapai i ngā rangatahi e hiki ake i te mānuka.