Kaupapa: Crime

Ka noho mauhere ngā taitama tokorua mō te kōhurutanga o Ihaia Gillman-Harris

Te Kāea
  • Tāmaki Makaurau

Ka noho mauhere ngā taitama tokorua mō te kōhurutanga o Ihaia Gillman-Harris, whai muri i tā rāua tū ki mua i te aroaro o Te Kōti ā-rohe o Tāmaki i te rā nei.  He tekau mā whitu ngā tau o Leonard Nattras-Berquist, o Beauen Wallace-Loretz hoki kua whakapaetia mō te mahi whānako.

E meatia ana, i whānako rawa rāua i a Gillman-Harris whai muri i tā rāua haupatu i a ia i te mōtēra o Ascot Epsom i te rua tekau mā whitu o Hakihea.

E tū kaha ana te whānau o Beauen Wallace-Loretz rāua ko Leonard Nattrass-Berquist. 

I puta te whakatau a te kaiwhakawā a Russell Collins i te rā nei, ka tū ake ngā tokorua, e whakapāetia ana na rāua i kōhuru i a Ihaia Gillman-Harris, ki te kōti teitei o Tāmaki Makaurau.  I te wehenga atu o Wallace-Loretz i te kōti ā-rohe, ka pāho ake te reo o tōna whaea a Amy Wallace.

I tāpukehia a Gillman-Harris i tērā Paraire, i taua rā anō tū ai te tokorua nei ki rō kōti mō te wā tuatahi.  I whakapā mai te tuahine o Gillman-Harris a Hirata ki a mātou o Te Kāea, "I te katoa e whakanui nei i te tau hōu, ka poroporoāki mātou, te whānau, i tā mātou tungāne, pāpara hoki.  He wā tēnei mō mātou te whakakotahi mai me te āta wetewete i tēnei take."

Hei te tuawhā o Hui Tanguru tū ai a Wallace-Loretz rāua ko Natrass-Berquistki te Kōti Teitei.