Ka mau kāmeta ngā tāngata o Tāmaki Makaurau hei tautoko i ngā wāhine Muhirama

Heeni Brown
  • Tāmaki Makaurau

Nā tētahi rōpū e kīa ana ko Splice te āki i ngā wāhine o te taone te whakamau kāmeta mō te rangi, whai muri i te mauriritanga ki te whare kawhe o Lindt Chocolate Cafe i kitea ai te matenga o ētahi mauhere tokorua me te kai mauhere i a rāua.

Koinei ngā whakamārama o 'Ghadairalshe Mari’ ko ngā mahi o Splice he whakakotahi mai i te hunga i pākia e ngā mahi mōrearea o Poihākena i te timatatanga o tēnei wiki.

Hei tāna anō, māma noa iho mā te tangata te tohutohu i te wahine muslim, nā te maha o ngā mahi mōrearea pēnei i tā Man Haron Monis mauhere i te tekau mā whitu tāngata ki te whare kawhe o Lindt, ki Poihākena.

Ko 'Flying Scarves' te ingoa o te kaupapa kua whakaritea e Splice, ā, i toko ake rā tēnei, nā te horapa haere o ngā tīhau tautoko o Ahitereiria i te hapori Muslim, mā te whakatau tīhau 'I'll Ride With You'. 

A, ahakoa ko wai, tērā te whakakao o ngā wahine ki te tautoko i te kaupapa.

Ko te hiahia nui kia tapirihia e ngā wāhine ō rātou whakaahua mau kāmeta ki te ipurangi, rawa atu ki tēnā, kia whakatauhia ai anō i te tautoko mō 'I'll Ride With You.'