Kaupapa: Education

Ka mahi tahi a Willie Jackson raua ko te minita mātauranga ki te whakatū kura hourua

  • Tāmaki Makaurau

Ae marika kei te ako tonu te Minita, ā, tuturu ka noho ko Willie Jackson pea te kaiako. Katahi ano tana Uepu Māori noho Taone ki Manukau ka waitohu kirimana me te minita ki te whakatū kura hourua.

E tika ana kua kaha whakaparahakotia te kaupapa e te Rōpu Reipa me ngā Kākāriki. Hei tā rātou ko ngā raru kua kitea i tētahi o ngā kura hourua tuatahi ki Whangaruru te whakatūpato.

Hei tā Willie Jackson, tumu whakarae o MUMA, ka timata Te Kura Māori o Wātea me te rima tekau tauira, he kaupapa Māori tōna aro. Hei tāna, ehara tēna i te wero i ngā kura kaupapa Māori engari kē, i ngā kura auraki.

Ka mutu, ko tētahi o ngā tohe nui ko te rahi o te pūtea tautoko ka riro i ngā kura auraki.

E ai ki te Minita, he ōrite ki tēna ka tukuna ki kura kē atu, ā, e whakaae ana a Angela Roberts, perehetini o Te Wehengarua. Heoi, hei tāna, koinei te rerekē.

Hei te marama o Huitanguru a tēra tau tuwhera ai ngā kura hou. Heoi taria ngā hua o te kōwhiringa pōti.