Ka mahi tahi a Waikato - Tainui me Te Uehā Mātātahi

Heeni Brown
  • Waikato/Te Waiariki

Kua rua mārama noaiho a Rahui Papa e tu ana hei heamana mo Te Arataura, a kua waitohua e ia he kawenata whakaae i waenga i a Waikato-Tainui me Te Ueha Mātātahi. Me te whainga ia, hei te tau rua mano rima tekau, ka tino korekore nei he uri o Tainui e tau ana ki raro i te maru o Te Ueha Mātātahi.

E ai ki a Rahui Papa, o ngā tamariki whakaraerae kei ngā whakamarumaru o te kāwanatanga e tiakina ana, he tekau ōrau nō Waikato-Tainui ake.

Ko tāna e hiahia ana kia tiakina kētia ēnei tamariki e ngā whānau o tōna iwi.

Koinei te tuatoru o ngā kawenata tā Te Uehā Mātātahi ki tētahi iwi.

Hei tā te Minita Whakahiato Ora hei tā Paula Bennett, he nui tonu ngā tamariki Māori e tukinohia ana, a mā te mahi tahi ki ngā iwi e wawe ai te tautoko atu i ēnei tamariki me ō rātou whānau.

Kua meatia e Waikato-Tainui ka hoki rātou ki ngā tongikura a ō rātou mātua tūpuna hei ārahi i a rātou ki te whakatutuki i ō rātou wawata.

Ko tā te manatu he whakaheke i ngā tatauranga nui mō ngā tamariki whakaraerae Māori.