Kaupapa: Domestic Violence

Ka mahi tahi te iwi me te ture o Tairāwhiti hei kaupare i ngā tūkinotanga ā-whānau

Aroha Treacher
  • Te Tai Rāwhiti

Ko te rohe o Te Tairāwhiti kei te taumata tiketike o ngā tatauranga patu tangata i te motu, ā tāngata takitahi nei. Nā reira, e tūmanakohia ana mā te mahi tahi a ngā pirihimana rātou ko ngā iwi, hapū te kaupapa hōu a Whāngaia ngā Pā Harakeke aua tatauranga e whakaheke iho.

E 3500 ngā karanga ka whakautua e ngā pirihimana o Te Tairāwhiti ia tau, heoi ko tā rātou me tīni taua tūāhuatanga..

Nā whai anō kei te mahi ngātahi ngā pirihimana me ngā iwi i tētahi kaupapa hōu a Whangai Ngā Pā Harakeke, kia kōtahi te punaha kōrero, kia mōhio pū ai ngā hiahia o ngā whānau

Ko te mahi ngātahi o ngā roopu rerekē te mea motuhake o te kaupapa otira te matapaki ia keehi, he kaupapa kāore anō kia kitea i ngā tau.

He tuatahitanga mō te rohe nā whai anō kua tipu to rātou tira mai i te whā ki te 23 hei kaupare i tēnei raru nui.