Kaupapa: Elections

Ka kore rawa pea e kitea he hononga MANA-Māori

Heeni Brown
  • Waikato/Te Waiariki

Ko te whāwhārua ki waenga i Te Pāti Māori me MANA i nui ake i te tautohetohe tōrangapū ki waenga i ngā kaitono o Te Waiariki i runga i a Whakaata Māori inapō. He whāwhārua rānei kua riro rānei i a Rawiri Waititi o Reipa pea he painga.

Ko tā te tatauranga pōti a Whakaata Māori e mea ana, he ono tekau mā ono orāu e whakaae ana kia mahi tahi Te Pāti Māori me MANA.

Ko taua āhua rā anō i waenga i a Te Ururoa o Te Pāti Māori me Annette Sykes o MANA, ā, mārama rawa ana te kite, e nui ake ana te wehenga ki waenga i ēnei tokorua.

Mea nei nā hoki tā te tatauranga pōti, ki te ara mai Te Pāti Māori hei pāti whai mana, he ono tekau mā toru ōrau o Te Waiariki, e hiahia ana kia mārena ki a Reipa.

Ko ngā kōrero ā ētahi ringa wera kei Te Waiariki e noho ana, he uaua mā te rangatahi te whai mahi.

Nā, uru atu ai a Kōwhiri Tekau Mā Whā ki taone anō, koirā tonu te hiahia e rangona ana i te wā, kia whai wāhi te rangatahi ki ngā kaupapa whai mana.

Hei āpōpo ki te taumata o Kōwhiri Tekau Mā Whā, ka tū ngā tautohetohe mō Ikaroa-Rāwhiti.