Ngā kaupapa: Flooding, Weather

Ka karawhiua anō Te Tairāwhiti e te marangai

Talisa Kupenga
  • Te Tai Rāwhiti

Me noho mataara tonu a Te Tairawhiti i te taenga atu o tētahi tino āwha ano i tēnei pō, me te kaha hekenga mai o te ua. Koira te whakatūpato a Metservice. He whakatau tēnei whai muri i te āwha kaha me te waipuke ināpo, ka aukatingia ngā huarahi, ka whakakarerea hoki ētahi kainga.

I rongo tonu te anengatanga o te āwha i tēnei ata, ā, ko te whakapae ka tae tētahi atu hei tēnei pō.

Ko tā William Maurirere Kainoho ki Uawa "kei te tau tonu te ngakau o nga whanau i Uawa nei engari e mahara ana mātou ki a ratou ara ki ngā whanau e noho ana i ngā pāmu. Kei nga wāhi pamu pēnei me Pāroa, Mangatokerau a Takapau hoki."

I te rori o Tauwhareparae te Teihana o Mangaheia. Mai te ata i mahi tahi ngā kainoho ki ngā wai hohonu kia hūnuku ngā kararehe ki ngā wāhi haumaru. Kei te noho aukati nga rori o Paroa me Mangatokerau tae atu ki te ahiahi o te Raapa.

Ko tā Maurirere "kua kaha kite au i te hurihuri haere o ngā pirihimana o nga kaipatu ahi tae atu ra ki nga wakatopatopa ae no reira kua nui te awhina mai."

E ai ki te Ārai Mate Whawhati Tata tata ki te ruatekau ngā tāngata i rere atu i o rātou kaenga mai i Tūranga ki Mangatokerau ki te raki o Uawa. Tokotoru ngā tāngata i kawe wakatopa atu i tō rātou kaenga, i mua i te horomitanga o to rātou whare, o rātou rawa hoki e te waipuke.

"Kua whakawhenua katoatia ngā whare o nga kaipāmu e te 'silt'. Na reira kia hoki rātou ki o ratou ki o rātou whare me ki penei ahau.  He maha nga tuara ka piko he maha ngā ringa ka rehea na te kao o nga mahi whakapaipai.

Ka arotake te āwha hou mai te iwa karaka a te pō nei ki te kotahi karaka a te ahiahi apōpō. Kei te kaha aro te rōpu Ārai Mate Whawhati Tata ki tēnei ahuatanga.