Ngā kaupapa: Health, Politics

Ka kapia pea e ngā uri o Ngāti Hine ngā rori mētara o te rohe

  • Te Tai Tokerau

I taua hui i hora ngā kōrero mō ngā rori puehu ki te aroaro o ngā rangatira o ngā mana Kāwana o te rohe.

Ahatia he kotahi mano whitu rau kiromita ngā rori mētara katoa ki Te Raki o Te Tai Tokerau anake, kahore e nui ngā rangahau ki Aotearoa mō te kino o te puehu engari nō tērā marama ka tīmata ngā whakamātautau a Te Poari Hauora ā-rohe mō te kino o ngā pūnga puehu ki te hauora o te iwi.

Ko Winston Peters te roia mā te iwi i ngā tau whitu tekau i te wā i tohea ai te iwi ki te rīhitanga o te whenua ki a Carter Holt hei ngahere paina mō te iwa tekau ma iwa tau te roa.   Nā reira, kua roa kē ngā auē ā te iwi engari nā ngā tūpato kei kapi ngā rori o te takiwā kua tae ā-tinana atu ngā mana Kāwana.

Kei te haere tonu ngā kōrero engari ki te kore e tatū ki ngā wawata, ka kapia te rori.