Kaupapa: Education

Ka kapi katoa ngā kāinga noho o Hato Petera hei te 2016

  • Tāmaki Makaurau

Ka kapi katoa ngā kāinga noho o ngā tauira i te kura o Hato Petera ā tērā tau, e ai ki tētahi pūrongo nā te Kaitiaki o Te Whānau o Hato Petera me Te Taumata o te Hāhi Katorika.

Arā noa atu ngā take o te whakakapinga, pēnei i te āhua o ngā whare, kāre e tika ana hei kāinga noho mā ngā tauira.  Hei tā rātou anō, he mea uaua hoki kia tuku rongoā hei whakatikatika i ngā whare.

E ai anō ki te pūrongo kei te raru hoki te taha pūtea o te Kaitiaki.  Hei tā tētahi mema o te Poari Kaitiaki o te Whānau o Hato Petera, a Rudy Taylor, i tēnei wā kei te kimi kāinga hōu ētahi mātua o ngā tauira pātata atu ki te kura i Te Raki Paewhenua.

Hei tā Taylor anō, ā tōna wā ka tū tētahi hui ki te Kāreti o Hato Petera ki te whakawhitiwhiti kōrero mō te kapinga me te whiriwhiri hoki i tētahi huarahi whakamua mō te kura.