Kaupapa: Te Reo Māori

Ka huri te whārangi o tāukiuki.

  • Tāmaki Makaurau

Ko te pito tēnei o te Te Wiki o Te Reo Māori, ā, ka tiro tātau ki  te pukapuka Reo Māori tuatahi o te ao. Kei Tāmaki Paenga Hira e noho āhuru ana ka mutu, neke atu i te rua tau tōna tawhito.

E ai ki a kaumātua Rapata Newson o Te Rarawa, "Tō tātau reo he reo ā-waha, he reo whakarongo nā reira kāo re i tuhia. Ka tae mai nei ngā mihingare ka tuhia e rātau ētahi anō ngā kupu nei."

Hei tāna he hātekehi te āta wetewete i te takoto o ngā kupu.

"E kōrero ana mō te rongo i te reo, pēnei me te kupu nei te moenga, ki a tāua te moenga, ēngari i tuhia rite ki te kupu nei te maunga, nā te mea koia tērā ko te rongo a te taringa o te Pākehā."

Nō te tau 1815 tuhia ai te pukapuka nei e Thomas Kendall, hei rauemi whakaako i ngā kura mihinare tuatahi o te Noota.

"He kōrero whānui ki roto i ngā tamariki, te whakaako anō rā i ngā tamariki me te iwi Māori anō i aua rā rā ki te tuhi i te reo Māori."

Hei tā Rāpata Newson he wāriu tō te pukapuka, heoi kia ora ai te reo, whakamahia. 

"Kaua e waihongia mō ngā marae mō ngā whare karakia anake tō tāua reo he reo tino rangatira tēnei he reo o o tātau mātua tūpuna koia tēnei ko te reo o Aotearoa, ko te reo Māori."

Kei Tāmaki Paenga Hira te pukapuka nei e mea mai nā.