Ngā kaupapa: Waiata Māori, Māori Language Week

Ka huraina tētahi waiata reo Māori hōu nā Ruha hei whakanui i te reo Māori

Mere McLean
  • Waikato/Te Waiariki

Hei tēnei Rāmere nei, ka huraina tētahi waiata reo Māori hōu nā Rob Ruha me Maisey Rika, ko te whakanui i ngā waiata reo Māori me te wiki o te reo Māori te kaupapa.

Ko te ataata mō te waiata i kapohia ki Rotorua i tēnei rā.

Ko Waiaroha te waiata hōu a Rob Ruha, he waiata piritata ki tōna ngākau.

Hei tāna, “I titongia i aua e āhua rangatahi ana, e kōrero ana, mō te aroha tētahi ki tētahi, pēnā rānei he ipo, pēnā rānei ko tētahi tangata mō tōna reo, pēnā rānei ko te mokopuna ki tōna kuia, tōna koroua, kaumātua.”

Ko Maisey Rika tētahi o ngā manu tioriori autaia o Aotearoa, me tāna kaha whai kia mahi tahi ia me Rob Ruha.

E ai ki a Maisey Rika, “Kei a Rob te tito waiata nē, ko tāku, he hōnore nui i tono mai ia ki ahau, ki a waiata tahi kia whakanui i tō tātau reo Māori, mō te marea, mō tēnei wiki o te reo Māori hoki, koina tāna whakaaro kia puta i tēnei wiki, ki te whakanui, kia rongohia te katoa te ātaaahua o tō tātau reo rangatira.”

Hei tā Ruha, “Kāre pea e kite ana, e rangona ana ki wāhi kē atu, ngā whakaaro a Māori, ngā whakaaro Māori i roto i ngā waiata nei.” 

Hei tēnei Rāmere ka whakaterea te waiata, hei hoko māu mā iTunes.