Ka hua pea ko te momo hāngi hōu mā ngā whare hoko kai

Wepiha Te Kanawa
  • Tāmaki Makaurau

Me aha e whakaniko ai te hāngi?  Koinei te pātai nui i whārikihia ki ngā ringawera tokoono, mō te taiopenga Taste of Auckland.  Ko te whāinga kia whakahoutia e rātou tēnei kai tawhito.

Ko Mark Southon tētahi o ngā ringawera mātanga e panoni ana i te hangi mō te hui nui o Taste of Auckland.  Ka whakawhenumi a Mark i te hangi me te mīti tunutunu.

Neke atu i te tekau mā rima tau te uri nō Ingarangi e whai ana i tēnei ahumahi.  Hei tāna e hīkaka ana te wairua ki te kawe i tēnei wero.

E hia kē nei ngā taonga kua riro a O'Connell St Bistro mō te kounga o ā rātou kai. E manako ana a Mark ka whiwhi tohu anō ia mā te hangi nei. Ka timata a Taste of Auckland a tērā wiki a te Rāpare tae noa ki te Rātapu ki Te Waiōrea.