Ka hoki te mana whakahaere o Rewa Pā ki a Ngāti Rehia

Dean Nathan
  • Te Tai Tokerau

Ko te pā kāinga o Rewa, he mea hanga e te hapori o Kerikeri i ngā tau ki muri, kia kore ai ngā whenua e riro kau noa hei kai mā ngā mahi whakawhanake a Tauiwi.

Neke noa atu i te whā tekau tau kua pahure iāianei, ā, kātahi nei ka whakaaetia kia whakahokia te mana whakahaere ki te iwi kāinga, otirā, ki a Ngāti Rehia.

Hei tēnei rā tonu ka tūwhera anō ngā kēti ki te pā kāinga o Rewa ki raro i ngā whakahaere o Ngāti Rehia.

Rerekē ana i ngā whakahaere ō-mua, ko ngā hītori katoa me ngā kōrero a ngā kaihautū nō te ao Māori tūturu.

He kāinga rongonui i te ao turuhi, mai rā anō ko Te Kerikeri me te awa o ngā rangatira tētahi o ngā tino huringa o ngā tūpuna o konei engari iāianei kua roa kē ngā uri o tēnei takiwā e noho whenua kore ana.

He tīmatanga anō tēnei mā te iwi ki te whakanoho i ngā whenua tupuna.