Ka hoki a Marumaru Atua ki tōna ūkaipō

Heeni Brown
  • Tāmaki Makaurau

E whakarite ana te waka whakatere nei a Marumaru Atua ki tāna haerenga mai i Aotearoa ki tōna kāinga, ki Rarotonga.

Hei tā te kaihautū, hei tā Tua Pittman, e hoki atu ana te waka ki tōna ūkaipō, kia pai ai te whakanui i mana motuhaketanga o Rarotonga mō te rima tekau tau.

"He mana nui tō te voyaging society i roto i ngā tau rima tekau kua hipa ake nei". Koinā te kī a Pittman.

Kua whakatauritehia e Pittman a Rarotonga ki tētahi waka, inā, ka māro tana tū ahakoa ngā pēhitanga o te wā.

"Mehemea koe ka whakahāngai i ēnā kōrero ki te hapori, ki te moutere rānei, ka noho ko te waka hei moutere, ā, ko ngā kaihoe te hapori"

He tekau mā rua ki te tekau mā ono rā te roa o te haere mai i Tāmaki Makaurau ki Rarotonga, ā, ka tere ngātahi a Marumaru Atua me ngā waka nō Aotearoa, a Te Matau a Maui me Haunui.

I te taenga atu o Marumaru Atua ki Rarotonga, ka tīmata te huihuinga e kiia nei ko Te Manava Vaka- te ito o te ahurea me te whakatere waka.

Kei tā mātau karere, kei a Heeni Brown te roanga ake a te pō nei.

Tēnā whai haere i a ia ki runga o Pukamata: https://twitter.com/heenibrown, https://www.facebook.com/HeeniBrownTeKaea or https://www.facebook.com/TeKaea