Kaupapa: Entertainment

Ka haere tētahi wahine Māori ki Disneyland ki te whai i tāna kua roa nei e wawatatia ai

updated Wepiha Te Kanawa
  • Ahitereiria

Kei te whai tētahi kōhine Māori i ōna moemoeā. Ka tū ia me ētahi wāhine nō ngā pito o te ao mō whakataetae wahine ataahua 'Face of the Globe' ka tū ki Disneyland i Wiwi me Rānana i tēnei tau.

E ai ki ētahi koinei te wāhi mīharo rawa atu o te ao.

Ko Disneyland te taumata mo te whakataetae wahine ataahua, me te mea hoki mō Aotearoa, he tuatahitanga te tūnga o tētahi uri Māori hei kaiwhakakanohi.

I tipu mai a Candace i Tāmaki Makaurau engari kei Piripane rā e noho ana ināianei. Hei ko tāna kua roa ia e wawata ana kia whakapirinihatia ia.

He kaikanikani breakdance, kaiako anō hoki ia, ā, ko te wawata anō ka whai hua ēnei pūkenga ōna.

Ā hei te toru marama ka kite, mēnā i ea tā Candace i manako roa ai.