Ka eke ētahi ringa toi nō Hokianga ki ngā kōtihitihi

Wepiha Te Kanawa
  • Tāmaki Makaurau

Ko whakaaronui rātou ko tūwhena me ihiihi ngā kupu kei ngā ngutu a te marea kia whakatinana i te wairua o "He Whakaputanga Mai o Te Rangatiratanga"

Ko Maureen Lander, rātou ko Toi Te Rito Maihi, ko Michelle Morunga ētahi o ngā ringatoi tekau mā rua i whai wāhi atu ki te whakaatūranga toi nei, ā, he hononga o te katoa ki Te Hokianga Nui a Kupe.

Hēoi anō rā, e ai ki a Heiwari Johnson “Kāore nga ringatoi i noho tahi, heoi i te wā i whakakotahi ai ngā mahi, i puta ake he wairua kotahi, nā te wairua ōrite.”

Ko Heiwari tonu tētahi o ngā ringatoi tekau mā rua i whai wāhi ki te whakaatūranga nei, ko ia hoki te kaiwhakamāhiri, ā, me he whakaaro kotahi hei nanao mā ngā kaititiro, koia ko te kōrero e whai ake nei. 

Ka tāpiri tonu rā a Heiwari i tāna e patai ake nei “he aha te tikanga o te kupu "Sovereignty" ki te Māori i roto i te ao hou.”

Mō te pō nei, timata mārika ai a “He Whakaputanga Mai o Te Rangatiratanga” ki Takarunga, i Te Rakipaewhenua, i Tāmaki Makaurau.