Ka āwhina tētahi kaitunu kai Māori i ngā tini tāngata e noho kainga kore ana ki Poipiripi

  • Ahitereiria

Ko Erueti Tutaki, tētehi o nga tino kaitunu kai i Aotearoa nei kua roa e whāngai ana i ngā tamariki ki Te Tonga o Tāmaki, mō te kore utu. Ināianei, e huri ana tōna aro ki te āwhina i ngā tini tāngata e noho kainga kore ana ki Poipiripi.

Mō ngā Hōtoke e rima kua hipa, kua whakapau werawera tēnei pukenga tunu kai, hei whāngai i ngā tamariki ki te tonga o Tāmaki, engari, inaianei kua huri tana aro ki tua.

E ai ki a Tutaki, “E haere ana au ki Melbourne, ki Ahitereiria, ki te tautoko tā rātou whanau. Kua kore he kainga ki te whāngai ngā whānau ki reira, ki te ako, ki te tautoko.”

Ko atu i te iwa tekau mano tāngata e noho kainga kore ana ki Poipiripi, engari, he pukenga rau te kaitunu kai nei, hei hāpai i te kaupapa.

He uaua ki ngā whānau ki te hoatu ngā pūtea ki te hiko, me te wai hoki ki roto i tā rātou kainga, ka mātou mahi i konei, me hoatu tētahi kai, ahakoa iti he taonga.

Ko te tokomaha o ngā whānau e noho kainga kore ana ki Poipiripi, he Māori, he uri no nga moutere, me nga iwi taketake o Ahitereiria. Ka whakarerea a Eru i tōna ake whānau ki te wā kainga nei, hei āwhina atu i a rātou.

Hei tā Tutaki, “Ko te mea nui ki ahau, ko te tautoko o taku whānau, ara, ko taku wahine, me āku tamariki, kei a rātou he tangitangi e pā ana ki taku haerenga, engari, kei te mōhio taku whānau, taku mahi, ka taea e au te haere, tā rātou te tika.”

He toru marama te roanga o tana haerenga.  Ahatia ngā āmaimai ki tōna manawa ki te haere ki whenua kē, kia āwhina ai ngā tauhou, engari, mā te karakia, me ngā kupu a Te Atua, e tau ana ia mō te mahi hou.