Joint venture for Kaikohe district farmlands

Dean Nathan
  • Te Tai Tokerau

He tuatahitanga ki te Tai Tokerau, ko te mahi ngātahi a Te Tumu Paeroa me ngā whenua tarahiti kia whai painga ai ngā iwi o Kaikohe.

Koinei ētahi o te hunga whai pānga ki ngā whenua o Ōmāpere me Rangihāmama e tiro haere ana i ngā ahu mahi e tū ai tō rātou whare mīraka kau.

Hei tā Sonny Tau, ”Kei a mātou ngā whenua, kei a mātou ngā kau iaianei nā kua oti kē te hoki i ngā kau.  

Heoi anō kia oti ai te teri mīraka kau ko kona matou tutuki ai i te hiahia kia mīraka kau ki runga i te whenua nei.”

He wawata nō ngā matua kei te whakatinanahia mā te tautoko a Te Tumu Paeroa me Te Manatu Ahu Matua.

Ko te tuatahi tēnei o ngā kaupapa mahi ngatahi a Te Tumu Paeroa me ngā iwi o Te Tai Tokerau ki te whakamahi i ngā whenua Māori kia whai painga ai te iwi me te tūmanako o Te Tumu Paeroa ma konei ka puare mai te kuaha ki a rātou kia mahi ngātahi me ngā iwi o te rohe e ngākaunui ana ki te ahuwhenua.

Nō te rā nei oti ai ngā whakarite engari atu i konei tīmata ai ngā tino mahi ahu i te whenua.