Iwi Radio may lose frequency

updated Heeni Brown
  • Te Whanganui-ā-Tara

Ko te hiahia nui a Te Mangai Paaho kia anga atu te titiro a nga Reo Irirangi Maori ki te ao ipurangi.

Engari teera te maharahara a Te Reo Irirangi o Te Upoko o Te Ika ka ahatia te taha ki nga whakapaahotanga a iarere.

E tautoko marika ana a Te Upoko o Te Ika i te aronga ki te ao ā-tihi.

Engari e whakapono ana te kaiwhakahaere a Adrian Wagner he whāinga matua tonu te aratuku irirangi, "Kaare ano era korero kia puta mai pena kei te panga ki te taha ena o a matou iarere, engari ki te peera nga whakaaro ka tino maharahara hoki matou i te mea kei te aroha tonu ahau me to matou poari ki nga kaumatua kaare ano kia tino waia ki tenei mea te ipurangi."

Otira e ai ki te Tumu Whakarae o Te Mangai Paho ki a John Bishara kāre te pokapū i te whakangao pūtea ki ngā reo irirangi ma te pou pāho i te mea ko te ao a tihi te paetata.

E ai ki Bishara, "It's hugely expensive in Aotearoa to rely on terrestrial coverage with transmitters on hills to be able to broadcast for iwi radio stations and there is opportunity for instance to use the internet and again as an example from your cell phone using irirangi.net many of the listeners can access any station that they choose through the internet."

Hei tā Adrian Wagner e rima tekau mano tāra te utu ia tau mo te ara tuku i tā rātou reo irirangi. Hei tā Wagner he nui taua utu, "Kei te hiahia ahau ki te whakahoungia te ahuatanga ki Te Upoko o Te Ika me nga reo irirangi engari kei te hiahia tonu ahau me aku hoa mahi me te Poari o Te Upoko o Te Ika kia paaho tonu i to tatou reo i roto i to tatou reo kei te hiahia tonu matou ki te aki i a tatou tamariki mokopuna ki te kuhu mai ki enei mahi me to ratou reo Maori."

Hei tā Bishara kua tata tō te rā ki te reo irirangi, ā, kei roto i ngā momo ahuatanga o te ipurangi te ao pāpāho a ngā rā ki tua.

"I admit it's scary I admit it's scary and change is always scary, technology is a scary thing too but I don't believe our iwi radio stations aren't actually scared or afraid of change but hey it's human nature and I accept that and my organisation Te Mangai Paho are prepared to stand by them and work through those issues they may have," hei tā Bishara.

Hei apopo ko tōna tikanga ka āta matapakihia tēnei take ki te hui a nga reo irirangi ki Tāmaki Makaurau.