Ngā kaupapa: Environment, Health

Iwi gutted by raw sewage spill in Raglan estuary

  • Waikato/Te Waiariki

Me rahui ngā kaimoana o Whaingaroa mō te rima marama. Koinei ngā kōrero a Chloe Hartstone i te pakarutanga mai o tētahi paipa nui kia rere katoa te para-tūturu ki roto i te wahapu. A, ahakoa ngā tohu whakatūpato, e tere tonu ana te tangata ki te moana rā.

He tekau mā rima mita mātōtoru te nui o ngā tutae kua hora ki ngā wai o Whaingaroa.

A, e horekau hoki e hari ana ngā uri o te takiwa.

Hei tā Hera Harihari (Ngāti Mahanga / Ngāti Hourua), “Mamae, mamae me te pouri, pouri anō, mā mātou ngākau, manawa, tūturu te mamae.”

Nō te Rāhoroi i a rātou e whakarite ana, ka mōhio te karapu hoe waka o Whaingaroa kua pakaru mai te paipa whakatika tūtae ki te tiriti o Nihihihi.

Ko tā Hartstone, (Kainoho), “It's embarrassing, but more than that it's sad for the locals.  People won't be eating from certain areas where they traditionally collect there for months.”

E ai ki a Chloe Hartstone ko te puna whakatika tūtae tētahi take kua roa e taupatungia ana.

.Mai i tēnei pito he haunga te kakara, nā i raro i te whakaaetanga whakahaere rawa. Ki te whakaputa te hamuti ki roto i te wai, me whakamōhio atu te kaunihera i te iwi kainga me te hapori.

E ai ki Te Kaunihera a Rohe o Waikato, e ngana tonu ana ki te whakamātau i ngā wai.

Kia whakatau tika ā hea e ruku ai anō te tangata ki ngā wai o Whaingaroa.