Iwi groups disappointed Govt cancels final settlement readings

Talisa Kupenga
  • Te Tai Hauāuru
  • Te Whanganui-ā-Tara

Kei te pupū ake te mamae me te riri ki ngā iwi o Ngāruahine, o Te Atiawa me Taranaki i te rongo kua whakakorengia te pānuitanga tuatoru o a rātou pire kerēme tiriti ki paremata. Kua roa ratou e tatari ana, ā, e whakaaro ana rātou nā te Rōpu Aotearoa Tuatahi te hē i te korenga ōna e tae ā-tinana atu ki te pānuitanga o ngā pire hei tēnei Paraire.

Tokotoru nga iwi e tatari ana mo ngā pānui mutunga o a ratou pire kerēme, ā kua ohorere rātou ki te whakakorenga o aua pānuitanga, ko ngā mahi porotiki te take.

Hei tā te Heamana o Te Kotahitanga o Te Atiawa a Liana Poutu, “Ko tā matou nei me whai wā, me whai tētahi wā tika mo paremata, me whakamarama mai ki a matou ā me ū ki tēra rā.”

Ko tā te tari whakatau kerēme ki a Ngāruahine, Te Atiawa me Taranaki iwi, na Aotearoa Tuatahi tētahi nawe i hua ake, nā whai anō kāre pea ngā pānuitanga e whakatutuki. Nā wai rā kua whakakorengia.

“Tino pouri ana te ngakau na te mea i whakarite matou e rima nga pahi i waenganui i a matou nga iwi e toru.”

Kua whakakorea a NZ First tana taunaki i muri i te tono a Nahinara kia panoni i te nama o ngā mema ki rō pāremata, kia taea e āna mema te noho ki waho i te whare ma te rua tekau ma rima ōrau neke atu ngā te nui.

Hei tā te mema paremata o NZ First a Ron Mark, “Why? Becasue they have gone and given their members and their Ministers leave to go home early. Now that's not our doing, that's their doing and by calling a Party Vote it embarrasses them because their numbers get exposed. Which is interesting becasue if these bills are so seriously important and of such significance to them and if so many Māori from so many iwi are travelling so far to be here why the hell isn't the Government here.”

E ai ki te Heamana o Otaraua Hapū a David Doorbar, ‘Having half a dozen MPs in house when any bill is passing is disrespectful especially if you're talking about historical grievances.”

E ruarua noa nga wiki e toe ana ki te panui i nga pire ki te whare paremata i mua i te paunga o tēnei tau, ko te manako o ngā iwi ka tau anō he rā ako ake nei.