Internal Affairs says $10mil jackpot win “looks suspicious”

  • Waikato/Te Waiariki

Kei te kanohi hōmiromiro atu te titiro a Te Tari Taiwhenua ki te pono o te toahanga, he tekau miriona tāra te nui, ki tētahi uri Māori nō Matamata. E whakapaetia ana, nā Rāwiri Pou taua rahi i toa i tētahi whārangi ipurangi mahi petipeti. Ko te whakatūpato a Te Rōpu Mate Petipeti o Aotearoa, he mahi hara te whakatairanga i te whārangi ipurangi mahi petipeti ki Aotearoa, ā he nui te whakatūpato. 

E whakanuia ana e Rawiri Pou o Ngāpuhi tana toahanga i te tekau miriona tāra neke atu engari tēra tonu te āwangawanga o te Rōpū Mate Petipeti mo te kamupene Casinoland, nā rātou te whārangi mahi petipeti.

“Our concern is that it’s not legal to promote an overseas online gambling site in New Zealand so we have made a complaint to the DIA and they are investigating it.”

E rua rau, e rima tekau tāra i pau i a Pou ki tēnei whārangi petipeti a Casinoland. I toa i a ia te kotahi mano rima rau tāra i te tuatahi, ka whakahokia atu mo te hua nui, ā ka pā, ko te ohorere.

“You know when you realised that you won, scam, part of me did but you know getting confirmation about it. I was just like overwhelmed, like I wasn't even sleeping, I was like scared you know excited,” hei tā Pou.

Nā CasinoLand a Rawiri Pou me tōna māmā i heri ki Tāmaki me te utu kia noho raua ki te hōtera Heritage, te wāhi i tū ai te huihuinga pāpāho i te ata nei. Nā whai anō ēnei kupu whakatūpato a te rōpū petipeti o Aotearoa.

E ai ki a Froude, “Online gambling in this environment is unregulated this is an overseas site it’s a multeez site we know there are lots of scams because we've seen so we want people to be very very cautious.

Hei tā Pou, “Think before you act, it’s scary though because I don’t want to be that kind of person who does the I won this, and you can do it too. Don’t do that.”

Ko tā Te Tari Taiwhenua ki Te Kaea kāre e mōhio ana rātou i a CasinoLand engari na runga i ngā rīpoata mo ngā toahanga petipeti ma runga ipurangi kei te rangirua ki te kaupapa a CasinoLand. Ā kei te aruaru rātou i tēnei take.

Hei tā Froude, “I think until the money goes into that gentlemen’s bank account there’s no cause to celebrate.”

E ai ki tētahi rīpoata a te Manatu Hauora i te tau rua mano tekau ma rua ko Ngāi Māori me ngā iwi moutere kei te aroaro o ngā mahi petipeti i ō iwi kē atu. Ko tā CasinoLand ki Te Kaea he mea nui te mate petipeti ki a ratou na reira me āta mahi.

Mēnā kei te mate petipeti koe, tētahi atu rānei e mōhio nei koe, tēnā whakapā atu ki te rōpū mate petipeti o Aotearoa, mā tēnei nama waea, mā tā rātou whārangi ipurangi rānei. Whakapā atu rānei ki te hunga āwhina, kei tēnei nama waea, 0800 654 655.