He māramatanga ki te whānau te puta ake i te rā nei, i te whakawātanga take matewhawhati mō te hinganga o Eramiha Pairama, he kai-mahi ngahere i Te Waiariki. I te tau rua mano tekau mā toru, ka tukia ia e te rākau i a ia e mahi ana pātata atu ki Whakatāne, ā mate tonu atu. Kei a Mānia Clarke ngā taipitopito.
Kua tau te wairua o te whānau o Eramiha Pairama, i te pakirehua a te kaitirotiro tūpāpaku i Tāneatua. Engari, he pātai tonu a tōna whāea.
E ai kit e māma o Pairama a Selina Eruera (Ngāi Tuhoe, Te Whānau a Apanui), “Why wait until now? Why did I have to make a complaint for any of them to come and tell me that this shouldn't have happened?”
Nō tērā tau, i angitū te kawe a te Kaunihera Kaimahi i a Puketi Logging ki te kōti, mō te matenga o Eramiha Pairama. I hāmenetia te kamupene mō te noho haumaru kore i a ia e mahi ana, he whitu tekau mā rima mano tāra te whiu.
“We're very concerned about the forestry deaths, and these families were really having to cope with them on their own,” hei tā Helen Kelly te peretini o mua o CTU.
I tukia a Pairama e te poro rākau, i herea ki tētehi aho, i a ia e mahi ana me tōna kotahi, kāore hoki tōna kaiwhakahaere i reira.
Hei tā Eruera, “I want young men to go home after work. I want less or no deaths from work. I want accident victims, even alive ones to feel comfortable in reporting minor accidents.”
Mai i te tau rua mano tekau mā tahi, e rua tekau mā ono ngā aitua kaimahi ngāhere, he tekau te tokomaha i te tau rua mano tekau mā toru. I reira ngā whānau o ngā kaimahi ngāhere kua mate, ki te tautoko.
Hei tā Kelly, “I'd like to see proper safety systems that really listen to these workers, and work out what it is. Things like fatigue, training, hours of work, weather. All of those things need to be properly addressed in order to continue what is now an improving health and safety record in forestry.”
Ko te tikanga ka puta te rīpoata me ngā tohutohu a te kaitirotiro tūpāpaku hei te marama o Haratua.