IMOKO hei ako i ngā tamariki ki te kai tika i te rongoā

Tema Hemi
  • Tāmaki Makaurau

He pūmanawa tautono hei ako i te tamariki ki te kai tika i te rongoā kua puta ake i ngā mātanga hangarau o te Whare Wānanga o Wikitōria. Kei te haere tonu ngā whakamātautau, heoi ahakoa tērā i whai wāhi ngā tamariki o te Kura Tuatahi o Tuakau ki te wheako i ōna painga.

I ahu mai te whakāro o te pūmanawa tautono IMOKO i te pumanawa tautono a Pokemon Go i rongonui ai ki te ao whānui.

Ko tā Tākuta Lance O'Sullivan, "I whakāro au me pēhea te tuitui haere i ngā māuiuitanga arā ko ngā tamariki kīhai i tutuki i ngā wāhanga katoa o tā rātou rongoa ki ngā momo hangarau e puta mai mā ngā kemu rorhiko nei."

Ko tā tākuta O'Sullivan ko te tino wero kei mua i te aroaro ko te whai tautoko i Te Manatū Hauora. "Ehara tēnei i te rākete pūtaiao engari he hua nui kei roto. Me whakamahi tātou i ēnei mahi ā motu nei me te whakatō he pūtea nui i roto i ngā mahi hōu kia mātua rā te whakāro ko ngā rongoa ka hokona me whai i te huarahi tika mōna."

I whakarewaina mai te rāngai hangaarau nei ki Te Kura o Ōtangarei i te marama o Pipiri i tēra tau ā i hoatungia e rātou ngā rorohiko, ngā rauemi me ngā taputapu e taea ai rātou te whakahaere i ngā aromatawai hauora.

Ko tā Edgar Raymindo Rodgriguiz o Te Whare Wānanga o Wikitōria, "I korero mātou ki a Lance nānā mātou i tono kia waihanga mai he kēmu e taea ai te tāpiri ki te pūmanawa tautono o IMOKO. Nōreira e ngana ana mātou ki te hanga he pūmanawa tautono e taea ai ngā tamariki te tākaro. Ka akona rātou ki ngā rongoa me pehea te whakamahia i ngā rongoa hoki."

Kei te whakamahia ngā kaimahi hangarau nei i ngā ao hīhiri me te manako ia ka rata pai ki ngā tamariki. 

Ko tā te kōrero o Sophie Price he tauira ki Te Whare Wānanga o Wikitōria, "Ka purua ki roto ko ngā momo matihiko i roto i te ao kikokiko mā te kāmera, te wāea pūkoro, te paparorohiko hoki."

Ka puta te pumanawa tautono o IMOKO ki te motu hei te mutunga o tēnei tau.