Kaupapa: Waitangi

I whakawhiwhia ki a Te Waka Tapu tētahi taonga whakahirahira i Waitangi

Dean Nathan
  • Te Tai Tokerau

He tohu nui whakaharahara i tukua i Te Wharewaka i Waitangi i te rangi nei ki ngā kaumoana o Te Waka Tapu.  He mea whakanui te rōpū nei e te Rōpū Kaitiaki o Waitangi, hei whakamihi i te hunga i kau i te moana roa ki Rapanui.  

Ko tā rātau i wawatatia ai, kia whakapūmau i te hononga ki waenga i ngā iwi o te rohe o Porinīhia.

Nō nā tata nei tae mai ai te waka manaaki i a Te Aurere, a Ngahiraka Mai i Tawhiti ki Waitangi e kawe ana i ngā kaumoana.

Kua tata pau te toru tekau tau nō te takanga o te whakaaro ō Tā Hēmi Hēnare kia whāia rawatia te wawata kia huri taiāwhio ki ngā kokonga o te Moananui Nui a Kiwa e nga uri whakaheke.  Nō te tau kua pahure whakatinanahia ai tērā tumanako.

Mai rā anō, ko te moana nui te marae ō ngā tupuna, ā, ko te mea pai kē, kei te kite atu i ngā whakatupuranga hōu o ngā kaiwhakaue me nga kaiurungi e ara mai ana.

E hia ngā wā i tātāhia rātou e Tangaroa, engari mau tonu mau tonu.