I whakanuia e te hapori o Manurewa te Mana Wāhine

  • Tāmaki Makaurau

He rā i whakatūhia e ngā ratonga o te marae o Manurewa hei whakanui, hei whakamana i ngā wāhine o te hapori, ko te Rā Mana Wahine tēnei.

E whakapaetia ana he rerekē anō i te Mana Wāhine o ngā rā i mua i te taenga mai o tauiwi.

Hei tā Marama Davidson, “Rerekē te kaupapa mana wahine ki tēra ake kaupapa e pa ana ki te wāhine Pākeha, rerekē tena, ko te tino kaupapa ko te mana o te whānau, te hapu te iwi ae, engari engari kua takahi te mana o te wāhine, te mana o te whānau e te taenga mai o te Pākeha.”

Hei tā Puawaitanga Matene, “Ki au nei ko te mana wāhine ko ia o ngā whānau, me kii te mana o te wāhine mehema he kotiro mehemea he mama he aunty he kuia ra, na rātou te mahi hei tiaki i to rātou oranga.”

Koia nei te Rā Mana Wāhine, e taea ai te kohikohi mai i ngā wāhine me ngā tāne me ngā tamariki o te hapori o Manurewa ki te hiki o rātou wairua, ki te tirotiro i o rātou hauora, ki te tuhono ia rātou i raro i te whanaungatanga, koia tēnei ko te Mana o te whānau.