Kaupapa: Elections

I tutū te pūehu ki Te Waiariki

updated
  • Waikato/Te Waiariki

I tutū te pūehu ki waenganui i ngā kaitono o te rohe o Te Waiariki i te taupatupatu tōrangapū a Whakaata Māori.

Ahakoa e mea ana ngā tatauranga kei mua noa atu a Flavell e haere ana, he nui ake te tautoko o te hunga rangatahi i a Coffey.

E whakapono ana a Coffey nā tā Reipa kaupapa here e utu kore ai ngā nama mātauranga whare wānanga i pērā ai te nui o te tautoko mōna.

Tuia ki tēnā, Ko te āwhina i ngā whānau i raru i te waipuke ki Te Patutātahi tētahi take i puea mai.

I whakamāramahia mai e Flavell ngā mahi i oti i te Pāti Māori hei tautoko ake i ngā kainoho o te taone, engari, i tere tā Coffey whakahoki.