I tukuna e te Komiti Whiriwhiri Take Māori ngā arotakenga-ā-tau

  • Te Whanganui-ā-Tara

He rā nui i te whare pāremata, i Te Taura Whiri i te Reo Māori, Te Puni Kokiri, me te Te Māngai Pāho i te aroaro o te komiti whiriwhiri take Māori mō ā rātou arotakenga-ā-tau. He maha ngā kaupapa i āta wetewetengia, mātua rā ko te Pire Reo Māori hou. 

Ehara a Erima Henare i te tauhou ki te komiti whiriwhiri take Māori, heoi, ko ana korero i te rangi nei he rongo tuatahi pea ki ētahi.

Āe, ko te Pire Reo Māori tērā i whakamataku, i whakataumaha hoki i te Taura Whiri i te Reo Māori

Ko Te Puni Kōkiri te ūmanga kāwanatanga i ārahi i ngā mahi kaupapa here mō te Pire Reo Māori. Inā rā ngā tini raru, ko te pātai pēna i tika rānei te akiaki a Te Puni Kokiri i te Minita o mua i a Pita Sharples.

Ki ngā take whaiaro, ā, ko te whakakī i ngā tūranga kaimahi tētahi raru orite mō Te Puni Kokiri me Te Taura Whiri.

Ae kua rua tau te aronga hou o Te Puni Kokiri e whakaritea ana, ā, e wha o ana tūranga kaitohutohu mataamua e waru kei te wātea tonu.

Tūturu he mahi nui kei tua.