Kaupapa: Environment

I tukua ētahi kiwi ki te Moutere o Rotoroa

Te Kāea
  • Tāmaki Makaurau

Kei te kaha tautoko ngā iwi o te moutere o Rotoroa me te rohe o Waiaua i tētahi rautaki kua huraina kia rahi ake ngā kiwi ka kite i Hauraki.

Kua whakakotahi te Rawhi Whakaaturanga o Tāmaki Makaurau, Te Rōpū Whakahaere i te Moutere o Rotoroa me te Rōpū Tiaki Kiwi o Pārāwai mō te rautaki nei.

Otirā, tokotoru ngā kiwi i tukua ki te Moutere o Rotoroa, ā, he tohu tēnei o te tīmatanga o te rautaki hōu.

Ko te marama o Whiringa-ā-nuku, he marama e kiia nei ko Save Kiwi Month.  Rua tekau mā whitu te tau ine waenga o ngā kiwi ka patua ia wiki e ngā kararehe o te ngahere.

E ai ki te kaiwhakahaere o te Rawhi Whakaaturanga o Tāmaki Makaurau, a Jonathan Wilcken, he maha ngā hua ka puta mō ngā kiwi i tā rātou hononga ki te Rōpū Tiaki Kiwi o Pārāwai.

Hei tā te Heamana o Te Rōpū Whakahaere i te Moutere o Rotoroa, a Barrie Brown, kei te whakahaere hoki rātou i tētahi kaupapa mō ngā tamariki.  Ko te tūmanako, mā te mahi tahi me ngā kiwi, ka ako ngā tamariki me pēhea te tiaki i ngā kararehe me te taiao whānui.

Hei te tekau mā rima o Whiringa-ā-rangi ka tukua ētahi atu kiwi ki te moutere o Rotoroa, ā, ka wātea te katoa kia tatū ai ki reira.