I tukua e ngā kaiwaiata i ngā pūtea tākoha ki te marae o Te Puea

  • Tāmaki Makaurau

Kei te manawarū ngā whānau e noho āhuru ana ki Te Puea i te ngākau aroha o ngā kai-puoro i whakangahau i te konohete, He Aroha Te Puoro, inapō me te rua tekau mā toru mano tāra i kohia.

Nō te rā nei, tukua ai ngā pūtea tākoha ki Te Puea, ā hei tā Riapo Panapa, tētahi o ngā kai-whakahaere, i eke te konehete ki tua noa atu i tāna i matapae ai.

Ahatia he ruarua haora noa te wā moe, i aro pūmau enei kaipuoro nō Aotearoa ki te pae mutunga.

Inapō i whakangāhaua ai ngētehi o ngā whetu pūoro i Aotearoa i te marae, kia kohi pūtea ki te āwhina i te marae o Te Puea, kua kaha manāki mai i ngā whānau pōkaikaha mō ngā wiki e waru kua hori. 

Koatu i te rua mano rima rau tāra i tākohatia ki te whārangi Give a Little o He Aroha te Pūoro, wheoi, nā ngēnei ringaringa iti i tākoha ai ki a rātou anō.

“Ko tā mātou he paopao i tēnei kōkiri o mātou.  Ko tā te rahi, ngā muka o te motu, otira o te ao, ko tā rātou inaiānei, he whai i tēnei huarahi.”

E matapae ana ngā kaiwhakahaere ka piki ake ngā koha pūtea, i te tākoha tonu a te marea.