I tū te hui ā tau a te rōpu wāhine Māori Toko i te Ora ki Tauranga

  • Waikato/Te Waiariki

Kia Mau, Kia Ngāwari. koinei te kaupapa e here ana i te hui ā tau a te rōpu wāhine Māori Toko i te Ora i tēnei  tau.

I tū ai te pōhiri ki te taiwhanga o ASB ki Tauranga i tēnei rangi, karahuihui ai ngā rōpu maha o te motu no ngā pekanga matua e iwa, ki te wānanga i ngā take nui ki ngā wāhine Māori me a ratau whānau i tēnei ao hurihuri.

He tamāhine, he māmā, he kuia - te nuinga o rātou he pou i roto i ō rātou hapori. Ko ēnei ngā mema o te Rōpu Wāhine Māori Toko i te Ora, kua tae mai ki te ono tekau mā rua o ngā hui ā-tau.

He tautikanga māro tō te rōpu nei i ahu mai i tēra rau tau. Inā ngā rerekētanga kua kitea e ēnei wāhine, heoi ko te tiaki i te whānau te take matua ahakoa haere ai te wā.

Ko te ara tuku pārongo me te whakawhiti whakaaro tētahi wāhanga kua whakahouhia e ngā mana o te rōpu nei, hei whakapoapoa mai i ngā reanga hou.

Ā inā hoki ngā take ka wānangatia ki te hui ka mutu a te Rāhoroi, arā te whakatipu papakāinga, te whiri wahakura, tae atu ki te whakatipu tamariki.