Kaupapa: Te Reo Māori

I tu ātu i te Wiki o Te Reo Māori me kōrero Māori te katoa

  • Te Whanganui-ā-Tara

Kua karanga ake te heamana o Te Taura Whiri i te Reo Māori kia whakawhānuitia ake te wiki o Te Reo Māori i te wiki kotahi noa nei.

I te whakarewatanga o te wiki o Te Reo Māori i Te Whanganui a Tara a Erima Henare, ā, nānā te kī me whakaputa te iwi Māori i te reo kāmehameha ia rā, ia rā.

Kua kaha tautoko te Tauri Whiri i Te Reo Māori i te whakamahinga o te reo Māori ki ngā pāhekoheko ipurangi pērā i a Pukamata me Tīhou.  Ko te hunga te rangatahi tonu te aro.

Kua kaha tautokotia anō ngā kaupapa pērā i ngā haka ohorere, ā e ai ki a Erima, kua huri te tai i ēnei rā.

Ki tā Erima, ka korerotia Te Reo Māori i te ao, i te pō, engari mā te Māori anō taua kaupapa e kawe.